Москошто «Россий» тӱнямбал ончер-форумышто Марий Элын стендше воктене кундемысе туризм потенциалын презентацийже 17 март йокте лиеш.
Республикысе туризм Россий Президент В.Путинын иницативыж почеш шукталтше «Туризм и индустрия гостеприимства» нацпроектлан кӧра вияҥеш.
Стендыште туризмын этнографий (тӱвыра, йӱла), вӱд круиз, экологий, кочкыш, да событийла дене кылдалтше мероприятийла дене палдарыме. Икымше кечылаште республикыштына кумдан палыме мероприятий коклаште «Бендериаде» мыскара фестиваль ден йӱдвел коштмаш дене «Йошкин КотоХод» фестиваль нерген презентаций-шамыч лийыныт. Коктынжат «Russian Event Awards 2023» Российысе премийым суленыт. Уна-шамыч «Мини-Бендериадыште» участвоватленыт, «В гостях у купчихи» театрализоватлыме программым онченыт, модо театрыш ушненыт, Остап Бендерым кидшым кученыт, шахмат дене модыныт, «12 стульев» романым палымыштым тергеныт.
Варажым Шернур сыр заводын «Йошка еш» кочкыш фестивальже эртаралтын. Тушто сыр гыч ыштыме шашке дене модыныт, Шернур косметике дене палыме лийыныт.
«Кугу Какшан» заповедник нерген презентаций экологий дене кылдалтын. Тушто уна-шамыч экологий маршрут дене коштыныт, марий мӱй дене щудо чайым подылыныт, колызын пӧртышкыжӧ пурен лектыныт, марий ер воктене велосипед дене кудалыштыныт… А вара интеллектуал-влаклан «Заповедник» квиз эртаралтын.
ВДНХ-ш толшо-влак программылашке уло кумылын ушнат. Нунылан тыгак туристический сувенирым ыштыме мастер-класс, интерактивный модыш лийыныт, бренд сату-влак лотерей дене модылтыныт. Шукышт марла кушталтен онченыт.