18 январьыште «Кугарня» газетлан возалтше-влак коклаште 2022 ийын икымше пелийжылан лотерейым эртарышна. Тылзе коклаште вич еҥ пӧлеклан толын кайыш. Нунын кокла гыч иктыже – Елена Валерьияновна Иванова. Тудлан «Газпромторг» кевыт деч ватрушкым кучыктышна.Елена Валерияновна ден Денис эргыже «Кугарня» газет редакцийыш толын кайышт.
– Мый Волжский район Курмузак ял гыч улам. Газетдан эртарыме лотерей дене ондакат модынам да сеҥышыш лектынам, но нигунам пӧлекым налаш толын омыл. Вич ий ончычак носким сеҥен налынам, вес гана шӱрашым отпаш ате логалын. Ватрушко – кӱлешан пӧлек. Кум да кок ият пеле ийготан уныкана-влакын ватрушкышт уло. Воктенышт шинчын, шкаланем мунчалташ тиде ватрушкым кодем.
Мый соцработниклан пашам ыштем. Пакчана, вольыкна уло: шорыкым ончена, презым налынна. Ушкална колыш. Тидын деч вара ӱшкыжаш презым нална. Йоча-влак шӧрым пешак огыт коч. Ушкалым налам манам да, уке, огыт налыкте.
«Кугарня» газетым шуко ий лудына. Мыланем утларак «Илыш йыжыҥ», «Самырык суртоза», «Изи тӱня, кугу тӱня» лаштык-влак келшат. Ешыштына мый дечем посна пелашем лудеш, шешке-шамычат ончалыт. Нуно олаште илат, унала мийымеке, «Кугарня» газетым лаштыклен налыт.
Ушештарена, лотерейыште пӧлекым сеҥен налше-влакым 1 апрель марте вучена. Толмыда деч ончыч 89648623420 телефон номер дене йыҥгыртыза.