Василий Тёркинын Кубокшо

 

Марий Элыште Сеҥымашын 78 ияш лӱмгечыж вашеш совет калыкын Кугу Отечественный сарыште сеҥымыжым ӱмыраҥдыме шонымаш дене Василий Тёркинын Кубокшо верч гармоньчо-влакын II межрегиональный конкурсышт эртаралтеш.

Мастарлык таҥӱчаш 11 март гыч 7 май марте шуйна. Тушто 16 команде таҥаса. Нуно Татарстан, Чуваший, Мордовий, Удмурт, Марий Эл республикла, Угарман да Киров кундемла гыч улыт. Конкурсын отборочный туржо-влак райрӱдылаште да Йошкар-Олаште эртаралтыт. Финал 7 майыште Сеҥымашын ХХХ идалыкше лӱмеш тӱвыра полатыште лиеш.