Вашталтыш-влак лийыт

2021 ий 1 апрель гыч водитель правалан экзаменым сдатлыме годым у правил-влак илышыш шыҥдаралтыт.

ГИБДД-ште экзаменым сдатлыме годым «площадке» тергымаш огеш лий, тудым практический заданийыш пуртеныт. Тыгодым мотоцикллан, мопедлан, автобуслан да грузовой машиналан экзаменым кучымо правил огеш алмашталт.

Оценкым шындыме годым лӱдыкшыдымылык ременьым пижыктымым да телефон дене пайдаланымым шотыш налыт.

Тыгак экзамен маршрут ынде палыдыме лиеш. Тидыже ончылгоч правил-влакым тунемаш ынже лий манын ышталтеш.

Экзаменационный машинаште инспектор да водитель деч посна автошколын вес еҥыштат шинчен кертыт.