«Таир» самырык туныктышо ден наставник-влакын российысе форум кышкарыште Марий Эл Республикын образований да шанче министрже Лариса Ревуцкая Запорожский область да Луганск Калык Республик гыч делегаций-влак дене вашлийын.
Кокымшо ий кундемыштына Запорожский область ден ЛНР гыч педагог-влакым вашлийына. Тений форумын участникше-влакым кундемысе да пӱтынь российысе профессионал мастарлык конкурсышто сеҥыше да финалист-влак дене вашлиймаш вуча, нуно республикын эн сай образований организацийже-влак дене палыме лийыт, тыгак тренинг, лекций, дискуссий, опытым вашталтыме шотышто семинар, экскурсий да молат эртаралтыт.
Фото: