Ижевскыште Юл кундем федеральный округын 16 ияш марте спортсмен-влак коклаште самбо дене первенствыже эртаралтын. Тушто 14 регион гыч 500 наре ӱдыр-рвезе таҥасен.
Марий Элысе олимпийский резерв училищын самбисткыже Варвара Горбушина ший медальым налын. Ынде тудо Российысе первенствыште таҥасаш тӱҥалеш. Ӱдыр С.Ялпаев да Г.Чуршуков дене тренироватлалтеш.
Йошкар-Оласе олимпийский резерв училищын сайтше гыч налме фото.