Валентина Муравская – Российысе театрын да кинон актрисыже. Шукерте огыл «Домашний» телеканал дене ончыкталтше «Я вернусь за тобой» фильмыште тӱҥ рольым, Лерам, модын.
В.Муравская Москошто 1990 ийыште шочын. Изинек сценыште модын, тӱрлӧ образым чоҥен. Школ деч вара Российысе калык-влакын келшымаш университетыште журналистлан тунемын. Но вара актрисе лияш шонен, Герман Сидаковын драма школыштыжо шинчымашым налын. Тыге тудо театр пашашке ушнен. «Много шума из ничего», «Макбет», «Шкаф» спектакльлаште ойыртемалтын.
2017 ийыште киношто сниматлалташ тӱҥалын. Тудо 35 кинопроектыш ушнен, тыгак рекламылаште сниматлалтын.
В.Муравская «Ивановы-Ивановы», «Паук», «Я любить тебя буду, можно?», «Жги», «Свидетели», «Деффчонки» «Практика. Второй сезон», «ИП Пирогова», «Туристическая полиция», «СашаТаня», «Зеркало Шекспира», «Пассажиры», «Блудный сын», «Макар», «Блеск» да моло фильмлаште модын.
В.Муравскаян ӱдыржӧ уло.