Эхинацейым «вӱрым эрыктыше» кушкыл маныт. А яндар вӱр — таза организм. Ты кушкыл лимфе системым, вӱрым, вергым да мокшым эрыкта. Эхинацей чыла черын косажым кораҥда, маныт.
Термосыш ик кугу совла коштымо эхинацейым (лышташ, вондо, пеледыш) пыштыман да пеллитр шокшо вӱдым темыман, йӱдвошт шинчыктыман. Вара шӱрыман да 100-150 мл дене кечеш кум гана кочмо деч пел шагат ончыч лу кече йӱман. Вич кече гыч уэш йӱман. Тыге кок гана ыштыман.