15-16 ноябрьыште В.М.Васильев лӱмеш МарНИИЯЛИ «Регионы России в военной истории страны» V всероссийский научно-практический конференцийым эртара. Тудо Я.Эшпай лӱмеш Марий кугыжаныш филармонийыште лиеш.
Мероприятий РФ Президент В.Путинын кӱштымыж почеш Ачамландын историйже шотышто шоя уверым шаркалыдыме верч эртаралтеш. Тудо 2019 ий годсек «Без срока давности» проект почеш вийым налын да тӱнямбал статусан лийын. А тений Сталинградысе кредалмаште фашист войскам сеҥымылан 80 ий теммыжлан пӧлеклалтеш.
Конференцийыш учёный, кугыжаныш ден мер пашаеҥ, образований да тӱвыра тӧнеж-влакын пашаеҥышт, журналист, студент, аспирант, кычалше толкынын еҥышт ушнат. Доклад-влакым «Без срока давности. Марий Эл» йыргешке ӱстелыште иктешлат.