Марий Элым вуйлатыше А.Евстифеев «Водоканал» МУП-ын директоржо Р.Киямов дене вашлийын мутланен.
Рӱдолаште вӱдым пуышо ты поставщик гына уло. Тушто 775 еҥ пашам ышта. Предприятий 440 км утла вӱдпучым обслуживатла, тышеч 40 процентше чот тоштемше, тудым вашталтыман. Кодшо ийын МУП 2 тӱжем погонный метр канализацийым тӧрлен – 2019 ий дене таҥастарымаште, тидыже кок пачаш шукырак. 2020 ийыште очистной сооруженийым ачалаш 15 млн теҥге наре оксам кучылт=мо. Тыгай сооруженийым лишыл 3-4 ийыште чоҥаш тӱҥалыт. Тӱрлӧ пашам шукташ предприятий 10 спецтехникым налын, пашаеҥ-влакым шупшыкташ – кок микроавтобусым. Ончыкыжым буритлыме установкым налнешт. Паша условийым саемдыме, душ, шкаф, вургемым коштымо вер-влакым уэмдыме, пӧлем-влакым ачалыме. Кечывал кочкышын акшым кок пачаш нарылан шулдештарыме.