Пытартыш кечылаште КОЗЬМОДЕМЬЯНСКЫШТЕ илыше-влак вуйым шийыт: йӱдым кран гыч йӱштӧ вӱд кайымым чарнен. Вуйшиймаш-влакым тӱрлӧ соцкыллашке вераҥденыт. Козьмодемьянскын мерийже ик тӱшкаште калыклан умландарымашым возен коден. Нунын шымлымышт почеш, «Водоканал» МУП-ште вӱдын сутка роскотшо кугемын, тиде чот шокшо игечылан кӧра лиеш. Вӱдым иканаште шуко калык кучылмыж годым, пучышто давлений волен кая, тыге вӱд шагалемеш. Мыняр жап тиде шуйна, нигӧ огеш рашемде.
Тыгайак йӧсылык дене ВОЛЖСКИЙ районышто илыше-влак тӱкненыт. Южо яллашке «Водоканала» пашаеҥ-влак вӱдым шупшкедат. ВКонтакте соцкылыште Волжский администраций умылтарымашым серен. Тыштат шокшо игечылан вӱдым иканаште шукын кучылтыт, тыгак скважин шӱкшемын. Кужу жап вӱдым пушо системе ачалыме деч посна шоген. Муниципал ведомствыште палемдышт, Республикым вуйлатыше Александр Евстифеев вӱд дене кылдалтше йодышым шкенжын тергымашышкыже налын. Тудын йодмыж почеш, ешартыш оксам ойырымылан заявкым колтымо, ныл илемыште у скважиным пургедаш йодмашым колтымо.