17 март гыч 10 апрель марте Мордовийыште С.Д. Эрьзя лӱмеш тоштерыште мордва живописец да педагог Хафиз Бикбаевын «Невидимые нити» ончерже почмо лиеш. Ончерым 2-шо №-ан йоча сымыктыш школлан 50 ий теме лӱмеш эртарат. Тиде школышто Хафиз Бикбаев 40 ий тырша.
Мордовийысе изосымыктыш (изобразительное искусство) XIX курымысо Санкт-Петербургысо художественный академийын преподавательыштын да тунемшыштын творчествыштлан негызлалтын.
Тыге И.Е.Репин гыч тӱҥалын И.С.Горюшкина-Сорокопудова да Ф.В.Сычкова деке куснен, вара Е.А.Ноздрина да Л.С. Шанину-Трембачевская гыч, умбакыже нунын тунемшыже-влак деке кая, тышке лачак Х.И. Бикбаев пура. Тиде сымыктыш тукымкыл умбакыже шуйна, Мордовийыште у сӱретче тукым кушкеш. Кызытсе ончер тиде «ужаш лийдыме кылым» рашемда.