20-21 январьыште Регион-влак кокласе социальный иснститутышто школышто тунемше-влаклан ОБЖ дене олимпиаде эртаралтын. Тыште республикысе тунемме верла гыч 30 утла икшыве мастарлыкшым ончыктен. Нунын моштымыштым МЧС пашаеҥ, тыгак тунемме верлаште тыршыше специалист-влак акленыт.
Олимпиадыште таҥасыше-шамыч лӱдыкшыдымылык шотышто шинчымашым теорий велымат палдареныт, практикыштат тергеныт. Ӱдыр-рвезе-влак айдемылан икымше полышым пуэн кертмышытым, вер-шӧрым шымлен да азимутым кычалын моштымыштым ончыктеныт. Тылеч посна пожарный вургемым чийыме, нелым нӧлтымӧ, оружий дене пайдаланыме, вӱдыштӧ утарыме да моло шотышто таҥасеныт. Кажне тунемше ОБЖ дене келге шинчымашым ончыктен.
