Икана Марий аварийно-утарыше службыш паша дене мийымеке, учрежденийым вуйлатышын оперативный пашам шуктымо шотышто алмаштышыже Николай Самойлов службо нерген каласкалыш. Тунемме пагытшымат шарналтыш. Тунам тышке уэш пӧртылаш да ты пӧръеҥ нерген пален налаш кумыл лекте.
Н.С.Самойлов Курыкмарий район Лидӹвуй ялеш шочын-кушкын. Йоча пагытше нерген Николай Станиславович веселан шарналта: «Ме совет жапыште кушкынна. Кеҥеж пагытыште мӧҥгӧ, пашаш да плотинаш куржталынна. А плотина марте кум меҥге лиеш. Йӱштылалт лектын, уэш мӧҥгӧ сурт сомылкам ышташ куржынна. Садланак, очыни, тазалыкна пеҥгыде лийын, спортланат шӱман кушкынна».
КРОНШТАДТ ГЫЧ СЕВАСТОПОЛЬ МАРТЕ
1-ше да 2-шо курслаште тӱҥ шотышто общеобразовательный предмет-влакым тунемыныт, варажым корабль дене кылдалтше предметвлак лийыныт.
– Икымше курсышто ик тылзаш практикым эртенна. Матрос сомылым шуктенна, палубым мушкынна. Кокымшо курсышто катер дене практикыште лийынна. Кумшо курсышто штурмовой практикыш миенна. Тунам ме Кронштадт гыч Севастополь марте шуынна. Тылзе жапыште Европа йыр савырненна. Кугу шторм лийын огыл гынат, ик заливым эртыме годым кум еҥ гына кочкаш коштынна, молышт кынел кертын огытыл. Меат кочкын темынна, комак-влакланат ситен. Нуно корабльыште чотак пошеныт. Икана палыме рвезын малымыж годым пылышыжымат пурлыныт, – воштылале Николай Станиславович.
ТУТКАР-ВЛАК
Николай Станиславович мыланем шуко историйым каласкалыш. Чыла тидым колыштын, «шинча саҥгаш кӱза» манмым умылышым. Очыни, мыйынат шинчам саҥгаш кӱзен улмаш. Икмыняр историйже дене тендамат палдарем.
-
Индешлымше ийла мучаште Звенигово районышто машина лесовоз йымак логалын. Автомашинаште 5 еҥ лийын, нунын ны чурийышт, ны капкыл формышт кодын огыл. Мешак семын кийыше айдеме кап-влакым лукташ логалын.
-
2014 ийыште кугу автомашина дене легковой машина керылтыныт. Ончылно кок пӧръеҥ шинчен, а шеҥгелне – вуй деч посна ӱдырамаш. Корно покшелне ты ӱдырамашын тичмаш вуйдорыкшо киен.
Тичмаш статьям 16 октябрьыште газетыште лудын кертыда. Теве тыштатКевыт налаш лиеш.
Иван РЕЧКИНЫН фотожо.