Уста коллектив-влак погыненыт

Калык усталык рӱдерын сайтше гыч налме фото.

8 июньышто Советский посёлкышто самырык уста коллектив-влак коклаште «Тукымвож йоҥгалтыш» республикысе фестиваль лийын. Тушко Морко, Марий Турек, У Торъял, Оршанке, Советский, Шернур районла гыч фольклор, вокал, семӱзгарым шоктышо ансамбль-влак погыненыт. Калык промысел дене кылдалтше ярмиҥга лийын, «Эн сай молодёжный уста коллектив», «Кудо – 2024», «Шокто, шокто гармонетым» номинацийла почеш конкурс-влак лийыныт.

«Эн сай молодёжный уста коллектив» номинацийыште Гран-при дене Марий Турек район Арбор кундемысе «Мурсескем» фольклор ансамбльым палемдыме. «Кудо – 2024» номинацийыште ончыл верым Советский районысо «Кугезе кумыл» фольклор ансамбль  налын, «Шокто, шокто гармонетым» номинацийыште – Марий Турек район Арбор кундем гыч М.Михайлов.

Калык усталык рӱдерын сайтше гыч налме фото-влак.