2023 ийыште Марий Элыште Уста йоча да самырык-влакым ойырышо да нунылан полшен шогышо рӱдер почылтеш. Тиде паша «Кажне йочан сеҥымашыже» («Успех каждого ребёнка») проект кышкарыште ышталтеш.
Марий Элын икшывыже-влак Талантан-влаклан Озаҥысе открытый университетыш миен коштыныт. Тиде университет кумдан палыме «Сириус» туныктымо рӱдер семын ышталтын. Марий Эл Республикысе туныктыш да шанче министрын алмаштышыже Валентина Гаврилова тыгаяк рӱдер Марий кундемыштат почылтеш манын увертарен.