25 ноябрьыште тунемше-влак коклаште уш-акылым пойдарыме «МУНЛО» марафон онлайн лиеш.
Тудым Марий тӱвыра рӱдер эртара. Марафон школласе «Точка роста» рӱдерлаште лиеш. Куд еҥан команде-влак кум турышто: «Шочмо кундемнан палыме еҥже-влак», «Марий йылме да литератур», «Марий калыкын илыш йӱлаже» – таҥасат. Кажне турышто – 10 йодыш.
Чыла команде ик жапыште модеш. Нуно организатор-влаклан 89278782506 телефоныш SMS йӧн дене вашмутым колтат.