Всеволод Горячкин Йошкар-Оласе 7-ше №-ан школышто тунемеш, яра жапыште «Зум» йоча киностудийыш коштеш.
Рвезылан журналистике паша келша. Тудо «Мы в ответе» самырык журналист да блогер-влакын конкурсыштыжо гран-прим налын. Кызыт Всеволод моло сеҥыше радамыш логалше ӱдыр-рвезе-влак дене посна мероприятийыш Москош каяш ямдылалтеш.
Палемдыме конкурсышто школыш коштшо 11-17 ияш икшыве-влак таҥасеныт. Нуно Кугу Ачамланде сар, Россий нерген материалым конкурсыш колтеныт, тыгак калыкым тургыжландарыме йодыш-влаклан вашмутым кычалыныт.