10 июнь гыч Россий кумдыкышто уремысе кино фестиваль пашажым ышташ тӱҥалеш.
Марий Элат ты тӱвыра мероприятийышке ушна. Йошкар-Олаште да республикысе районлаште калыклан лу наре Россий фильмым ончыктат. Кином автоклублаштат ончыктат.
Икымше фестиваль кечын Параньга район Кугу Пумарий ялысе тӱвыра пӧртыштӧ фильмым ончыктат. Вес кечынже Советский посёлко эстафетым налеш.
Йошкар-Олаште илыше-влак уремысе кином 6 августышто тӱвыра да каныш паркыште ончыктат.