Ураев бульвар – Йошкар-Олан Изи Какшан эҥер вес могыр ужашыже. Тудо Киров урем гыч тӱҥалеш да Петров урем марте шуйна, Мирный микрорайоныш пура.
1990-ше ийла кыдалне тыште у микрорайоным чоҥымо паша тӱҥалын. Сандене Тыныслык уремын ик ужашыжлан вес лӱмым пуаш шонымаш лектын. Тыге бульварлан КПСС Марий обкомын икымше секретарьже Петр Васильевич Ураевын лӱмжым пуэныт. П.Ураев обкомым 1963 ий гыч 1967 ий марте вуйлатен.
Ондак бульвар кужурак лийын. 2015 ийыште тудын ик ужашыжлан Кугу Ачамланде сарыште сеҥымылан 70 ий темме лӱмеш у лӱмым пуэныт.