25 майыште Марий Элыште лагерь-влак пашам ышташ тӱҥалыныт. Тений 199 тӱрлӧ лагерьыш 22 тӱжем утла йоча канаш кая.
Тений чыла лагерь йоча-влакым вашлияш ямде. Каныме тыгай организацийлаште ачалыме пашам шуктымо, кӱлеш оборудованийым налме, специалист-влакым ямдылыме.
Кеҥеж жапыште йоча-влаклан тӱрлӧ направлениян оҥай программым ямдылыме. Туристско-краеведческий, военно-патриотический, психолого-педагогический тематике, IT смене (робототехнике, компьютерный технике да 3D-моделирований), «Содружество Орлят России», творческий модмаш смене-влак лийыт. Чыла лагерьыште «Движение Первых» тематический блок-влак пашам ышташ тӱҥалыт.