Оршанке районысо ик селаште илыше 73 ияш кован погыжым шолыштыныт. Осал пашам кован уналыкеш малымыла мийымыж шеҥгеч ыштеныт – телевизорым, бензопилам, шуруповёртым шолыштыныт. Эҥгек 20 тӱжем наре теҥгеш шуын.
Оперативно-розыскной мероприятийым эртарымеке, полиций пашаеҥ-влак осал пашам ыштен кертше еҥым кученыт. Ты селаштак илыше тылеч ончыч судитлыме 27 ияш пӧръеҥ ден йолташыже кован пӧртышкыжӧ окна гыч йӱдым пуреныт. Вара, таксим ӱжыктен, шолыштмо арвер-влакым Йошкар-Олаш комиссионный кевытыш ужалаш наҥгаеныт. Таксистлан окса олмеш бензопила дене тӱленыт, а телевизор ден шуроповёртым вич тӱжем теҥгелан сдатленыт. Окса дене кочывӱдым да кочкыш сатум налыныт.
Интернет гыч налме фото.