Унала миен, оксам йомдарен

Волжский районышто илыше 49 ияш ӱдырамашын банк картше гыч 30 тӱжем теҥгем шолыштыныт. Икмыняр арня ончыч тудо уремыште ик пӧръеҥ ден палыме лийын да тудын деке унала пурен. А ӱстелтӧрыштӧ шинчыме деч вара сумкажым монден каен. Тушто телефон ден банк карте лийыныт. Шарналтымеке, сумкажлан пӧртылын, но карте сумкаштыже лийын огыл. Шолыштшым муыныт. Оксам пӧртын озаже, 32 ияш ондак судитлалтше пӧръеҥ луктын налын.