Ик кугу совла умла пӱгыльмым порошок марте туржман да нӧшмӱй дене лугыман, нугыдырак вартыш лийшаш. Тудым пералтме, пуалме, ревматизм годым корштышо верыш йыгаш сай.
Але ик стакан вӱдыш ик кугу совла умла пӱгыльмым пыштыман да вӱдын кок пачаш пучымешкыже шолтыман. Йӱкшышӧ ик кугу совла лемым ныл совла вазелин ден сайын лугыман. Тудым сусыр, какаргыше верлаш йыгаш сай. Радикулит годымат корштымым чара.
Верге але шондыгалта чер годым ик литр шокшо вӱдыш ик кугу совла умла пӱгыльмым пыштыман да вӱд пар ӱмбалне 15 минут кучыман. Лемым ¼ стакан дене кечеш кум гана кочмо деч ончыч йӱман. Лемым кажне гана ик стакан шолтымо вӱд дене йӱман.