Уло Россий ойгыра

Таче Татарстаныште ойганыме кече. 11 майыште Казань оласе 175 №-ан лицейыште   кугу азап лийын: 19 ияш рвезе терактым ыштен: шым йоча да кок туныктышо коленыт, тыгак 21 еҥ сусырген.

Кече мучко тӱрлӧ олаште мемориал-влак ышталтыныт.  Йошкар-Олаштат 11-ше №-ан лицейын  пашаеҥже-влак школ кудывечыште Т.И.Александрован чапкӱжӧ, Татар тӱвыра рӱдер воктене жаплан мемориалым ыштеныт.

Тышке кажне кумылаҥше еҥ пеледышым конден, сортам чӱктен, колышо-влакым порын шарналтен,  чумырген кертеш.

Валентина Семёнова.