7-10 ноябрьыште Башкортостан Республикысе Уфа олаште XIV студенческий отряд-влакын слётышт эртаралтын.
Тушко Марий Элысе студент отряд-влакын еҥышт ушненыт. Кум кече жапыште нуно профессионал мастарлык конкурсышто, балыште, отрядысе мыскара фестивальыште, ПФО-н мистерже ден миссше лияш таҥасымаште вийыштым тергеныт. Слётлан кӧра студент-влак опытым погеныт да чап грамот дене палемдалтыныт.