Марий Элысе СИЗО ден исправительный колонийлаште 29 март гыч свиданийыш кужу жаплан толаш лиеш.
Свиданийыш толшо родо-тукымын кум сутка ончыч коронавируслан сдатлыме анализ кагазше але прививкым шындыме шотышто справкыже лийшаш. Тидлан ойырымо пӧлемла гыч пелышкыже веле пуртат. Мутлан, лу пӧлем уло гын, визытыште веле вашлияш лиеш. Тыгак ОРЗ симптоман еҥ-влакым огыт пурто. А кӱчык жаплан пуымо вашлиймашыш 10 март гыч мияш лиеш.
Управленийын сайтше гыч налме фото.