2023-2024 тунемме ийыште школым тунем пытарыше ӱдыр-рвезе-влакым II степенян «За особые успехи в учении» ший медаль дене палемдат. Тидын нерген Указым РФ Президент В.Путин подписатлен.
Ший медальым кок «нылытан» деч шуко огыл отметке дене тунем пытарыше, тыгак руш йылме да эше ик предмет дене ЕГЭ-м 60 балл деч шагал огыл сдатлыше выпускник-шамычлан пуат.
Шортньӧ медаль дене палемдымаш шот вашталтын огыл: чыла предмет дене иктешлыше отметке лач «визытан» гына лийшаш, руш йылме да эше ик предмет дене ЕГЭ-м 70 балл деч шукырак погыман.
Интернет гыч налме фото.