Налог шотышто федеральный службын Марий Эл Республикысе управленийже 2022 ийын эртыше тылзылаштыже пашам ыштымым чарныше 89 индивидуальный предпринимательым Индивидуальный предприниматель-влакын единый кугыжаныш ре-естрышт (ЕГРИП) гыч луктын (ӱмаште – 1227).
ИП пашам ыштымым чарнышылан тыгай годым шотлалтеш:
патентын жапше лекмылан 15 тылзе эртен але индивидуальный предприниматель пытартыш 15 тылзе жапыште налог да сбор шотышто отчётностьым, сведенийым пуэн огыл;
налог да сбор шотышто кӱсынжӧ уло.
Каласыман: лишыл жапыште эше 52 ИП шотышто реестр гыч лукмо йодыш решатлалтеш. Нуно ик тылзе жапыште регистрироватлыше органыш ИП радам гыч лукмо шотышто тореш улмо нерген йодмашым возышаш улыт. ИП радам гыч луктыт гынат, улшо кӱсыным садак тӱлыман. Тылеч посна вес гана уэш кум ий эртымеке гына ИП семын регистрироватлалташ лиеш.