27 майыште, Книгагудо кечын, Марий Элым Вуйлатыше Ю.Зайцев Медведево районысо уэмдыме рӱдӧ книгагудышто лийын.
Книгагудо ынде 515 кв метран зданийыште верланен. Олмыктымо пашалан Медведево район бюджет гыч 12 млн наре теҥгем ойырымо. 302 тӱжем теҥге федеральный окса дене книгагудо фондым пойдарыме.
Книгагудышто абонемент да книга-шамычым аралыме пӧлка-влакым, 50 еҥлан лудмо залым келыштарыме, пашаеҥ-шамычлан посна кабинет уло. Ты книгагудын аудиторийже – 2,5 тӱжем еҥ, идалыкыште тушко 33 тӱжем наре гана толыт, 200 наре мероприятийым эртарат.
Книгагудышто интерактивный книга уло, тушко фотографий, документ ден серыш-влакым пуртат, варажым нуным краеведческий мероприятийлаште кучылташ тӱҥалыт.
Медведево районысо рӱдӧ книгагудым 1944 ийыште почыныт, «шулдыржо йымалне» – 27 подразделений.
Марий Элым Вуйлатышын пресс-службыжын фотожо.