Волжск олаште «Вашкеполыш» подстанцийын зданийжым капитально олмыктеныт. Тидлан республикысе бюджет гыч 14 млн наре теҥгем ойырымо.
Тыге тушто пашам ыштыше 30 наре медиклан условийым саемдыме. Неле вызов-влак деч вара каналташ посна пӧлем уло, тыгак раздевалке ден у душевойым келыштареныт.
– Медпашаеҥ-влаклан кӱлеш условийым ямдылаш – мемнан порысна. Лишыл жапыште эше икмыняр тыгай подразделенийыште олмыктымо пашам мучашлышаш улыт, – ойлен республикым Вуйлатыше Ю.Зайцев.
Марий Элым Вуйлатышын пресс-службыжын колтымо фотожо.