Икана йӱдым пич омо дене малымына годым эргына мемнам помыжалтарен. Тудын шӱргыжӧ чыла удырен пытарыме лийын. Ты йӱдым пачерыштына газпучын ик ужашыже торлен улмаш, мемнам огеш кычкыре гын, чылан тӱнчыгена ыле. Специалист-влакым вигак ӱжыктенна, пучым тӧрлымӧ. Тылеч вара эргымын удыралт пытыше шӱргыжым обрабатыватлаш тӱҥалынам. Тудын деч кушто тыге эмганенат манын йодмемлан вашмут ӧрыктарен: «Малымем годым оҥышкем ала-мо тӧрштен да кужу кӱчшӧ дене шӱргем удыраш пижын. Чот корштымо дене помыжалтмек, пачерыште ала-могай пушым шижынам да тендам кычкыренам».
Такшым пачерыште ны пырысым, ны пийым, ны моло янлыкым огына ашне. Но ты йӱдым эргым ӱмбак тӧрштышӧ янлык мемнан илышнам арален коден.
Мария.
Йошкар-Ола.