Удмуртийыште йоча-шамычлан шочмо йылме дене мультфильмым ышташ тӱҥалыт. Тиде – «Удмуртий» ТРК да телерадиовещатель-влак ассоциацийын «УдМульт» проектышт.
Анимационный фильмым ямдылаш 7-12 ияш йоча-влакым погат. Нуным Москва да Пермь олала гыч мультипликатор-влак туныкташ тӱҥалыт. Паша-влакым республикысе йоча мультфильм-влак фестивальыште ончыкташ шонат.
Удмуртий нерген вес увер – Алнаш районысо Байтеряково ял 2022 ийыште финн-угор тӱнян тӱвыра рӱдолаже лӱмым сеҥен.
Кумданрак 25-ше июньышто лекше номерыште «Родо-тукым увер» рубрикыште лудса.
Володя Аптулаев.