Марий Элым Вуйлатыше Ю.Зайцевын кÿштымыж почеш «Марий Эл Республикыште поро пашам вияҥдымашке надырым пыштышылан» отличий знакым пеҥгыдемдыме.
Ты знак поро пашам шуктымаште ойыртемалтше, тыгак добровольческий пашам вияҥдымашке надырым пыштыше-влаклан келыштаралтын. Тудын дене кундемыштына вич ий деч шагал огыл волонтёр пашам шуктышо еҥ-влакым палемдат. Документым тений, октябрьыште Марий Элысе молодёжный политике комитетыште погаш тӱҥалыт. Знакым 5 декабрьыште Волонтёр-влакын кечыштым пайремлыме годым кучыктат.