Йошкар-Олаште у автовокзал 24 январьыште пашам ышташ тӱҥалын. Тудо Сомбатхей микрорайонышто (Ленин проспект, 24 а) верланен.
Еҥ-влакым у автовокзал дене кылдалтше ятыр йодыш тургыжландара.
Таче кечылан тушеч 45 пунктышко рейс уло. Республик мучко веле огыл, ӧрдыж кундемлашкат (Моско, Озаҥ, Киров) автобус-влак каят.
Вокзал йӧнан, сайын келыштарыме. Рейслам вучымо вер волгыдо, ару да шокшо.
Ава да икшыве-влаклан каналташышт кроватян каныме посна пӧлем уло. Медполышым пуымо верымат сайын оборудоватлыме. Билет «оза»-влакынат паша верыштым кӱлеш семын йӧнештарыме.
Тӱгӧ лекме вер, кидшӱргым шӱалтыме умывальник-вла кат вокзал кӧргыштӧ шке верыштым «муыныт».
Вокзал кумдыкым, лӱдыкшыдымылык лийже манын, в и д е о к а м е р — в л а к «эскерат». Изиш варарак тыште полиций пункт почылтшаш.
Икманаш, калыклан республик мучкат кудалышташ, воктенысе кундемлашкат миен толаш йӧн саемын.
Иван РЕЧКИН.
