У тунемме, кочмо вер-влак лийыт

 

1 июньышто Марий Эл Правительствыште «Образований» нацпроектын регионысо проектше-влак нерген каҥашеныт.

Образований да науко министр Н.Адамован мутшо почеш, республикыштына вич тыгай проект илышыш шыҥдаралтеш. 2017 ий гыч таче марте вич школым чоҥымо. Кызыт Медведево посёлкышто 825 веран тунемме полат нӧлталтеш. Тушто 53 процент паша ышталтын. Шыжым тушко оборудованийым налаш аукцион эртаралтшаш.

Тылеч посна кызыт Марий Турек район Сардаялыште 60 верлан школ чоҥалтеш. Чылаже яллаште илыше йоча-влаклан 250 наре у верым ямдылышаш улыт. Тидлан 82 млн теҥге федеральный субсидий ойыралтын.

2020 ийыште цифровой да гуманитарный профиль дене «Точка роста» манме 15 рӱдерым почмо. А сентябрьыште эше 21 рӱдер почылтшаш.

Килемар район Йӱксӓр селаште школ пелен интертнатым, кочмыверым нӧлташ тӱҥалме. Оршанке район Кугунур школ пеленат у пищеблок лийшаш. Шукерте огыл Козьмодемьянскысе «Дарование» школ-интернатыште реконструкцийым ышташ контрактым подписатылме.

Умбакыже — «КУГАРНЯ» газетыште. (2021 ий 4 июнь)

Снимкылаште : МАРИЙ ТУРЕК РАЙОН САРДАЯЛ ШКОЛЫШТО.