6 сентябрьыште Марий Элыште 21 «Точка роста» рӱдерым почыныт. Оршанке районысо Шулко кыдалаш школышто рӱдерым торжественно почмаш эртен, районласе моло рӱдер-влак тушко «онлайн» йӧн дене ушненыт.
Тыгай рӱдер-влак тунеммаште да воспитатлыме пашаште у йӧн-влаклан эҥерташ полшат. 2021 ий годсек рӱдерлаште физике, химий, биологий, технологий предметлам у йӧн почеш туныктат. Туныктышо-влакланат квалификацийыштым нӧлташ йӧным ыштыме. Тыге нунат ешартыш шинчымашым налын кертыт.
Тунемме тӧнежлаште проект почеш, физике, химий, биологий предмет-влакым келгын тунемаш лӱмын кабинетым келыштарыме, тыгак проект паша дене заниматлыше-влаклан посна пӧлемым ыштыме. Тушто кызытсе илышлан келшыше оборудованийым вераҥдыме.
Тачысе кечылан кундемыштына 79 «Точка роста» рӱдер уло. Тӱҥ да ешартыш шинчымашым «Образование» нацпроект кӱшеш естественно-научный да технологический направленийыште келгемдыме. Тидыже тунемше-влакын шинчымашыштым саемдаш полшышаш. Рӱдер-влакым Оршанке, Параньга, Шернур, Медведево, Волжск, Звенигово, У Торъял, Советский, Курыкмарий, Кужэҥер, Марий Турек, Морко районлаште почмо.