Апрель мучаште «Экологий» нацпроект почеш Марий Эллан тулым йӧртымӧ машина-влакым ойырымо.
Марий Эл Республикысе Пӱртӱс поянлык, экологий, йырвелым аралыме министерстве
«Экологий» нацпроект почеш «Сохранение лесов» регионысо проектым вич ий илышыш шыҥдара. Тыге республикысе «Авиалесоохрана» предприятийын технический базыжым уэмден толыт.
Тиде гана кум пожар автоцистерным, куд воздуходувкым, куд бензопилам налме. 1 июнь марте ныл «Соболь» грузовой машина ойыралтшаш.