Марий Элым Вуйлатыше Юрий Зайцев Советский район Ӱшнур селаште у тӱвыра пӧртым почмашке миен. Модульный зданийым налаш да вераҥдаш, воктенысе кумдыкым шотыш кондаш 28 млн наре теҥгем ойырымо. Ялысе клуб деч посна ты оралтыште межпоселенческий рӱдӧ книгагудын филиалже, ял шотан илем администраций верланеныт.
Вуйлатыше Советский посёлкышто у спортплощадкым почмаштат лийын. Ты пашалан республикысе да верысе бюджетла гыч 9,4 млн наре теҥгем ойырымо. Ынде посёлкышто илыше-влакын футболла, баскетболла да волейболла модаш кызытсе жаплан келшыше чапле вер уло.
Марий Элым Вуйлатышын пресс-службыжын колтымо фотожо.