Карелийысе «Кижи» тоштер-заповедникын сувенирже-влак радамыш коломенский пастила логалын.
Тидыже Олман тӱнямбал кечыже (21 октябрь) вашеш рашемын. Пастилам ожнысо рецепт почеш олман коломенский сортшо дене ыштат. Тудым мӱй дене шолтат, емыж-саскам ешарат да коҥгаште коштат. Сувенирын коробкажым XIX курымысо исторический картонажын лекалыж дене ыштыме, а ӱмбалжым Кижисе архитектур ансамбль дене сӧрастарыме.