«Кугарня» газет редакцийыште Марий епархий пелен кусарыше комиссийыште пашам ыштыше-влак дене вашлиймаш лие. Морко районысо Арын да Волжкий районысо Сотнур черкын настоятельже-влак протоиерей Николай Чузаев ден иерей Игорь Сапаев, Библийым кусарыше институтын пашаеҥже Лариса Орзаева Юмын книга-влакым марла йылмыш кусарыме шотышто каласкаленыт, шукерте огыл кокымшо гана савыкталт лекше «У сугынь» книга дене палдареныт, кажнылан пӧлек шотеш кучыктеныт.