«Демографий» нацпроектын «Спорт — норма жизни» федеральный проектше почеш 19 августышто Шернур посёлкышо ГТО нормативым сдатлаш йӧрышӧ изирак спорт площадкым почыныт.
Йошкар тасмам самырык-влакын политикышт, спорт да туризм министрын алмаштышыже Михаил Камаев ден эрыкан кучедалмаш дене спорт мастерыш кандидат Антон Яшкин пӱчкыныт.
Спорт площадке самырык тукымым таза илыш-йӱлам кучаш эшеат чот кумылаҥда манын ӱшанена.
Шернур район администрацийын сайтше гыч налме фото.