Йошкар-Оласе аэропортышто 1 январь гыч Моско да Санкт-Петербург марте чоҥештылше самолёт-влакын расписанийыш вашталтын.
Ынде Моско марте авирейс-влак кушкыжмо еда 18 шагатат 40 минутлан, вӱргече да кугарнян 19 шагатат 10 минутлан чоҥештылаш тӱҥалыт. А рушарнян 21 шагатат 35 минутлан самолёт тарвана. Моско гыч Йошкар-Олаш рейс-влак тиде кечынак лийын: кушкыжмын — 16 шагатат 25 минутлан, вӱргече да кугарнян — 16 шагатат 55, а рушарнян 13 шагатат 35 минутлан.
Йошкар-Ола гыч Санкт-Петербургыш самолёт вӱргечын 20 шагатат 10 минутлан да рушарнян 15 шагатат 45 минутлан кая. Мӧҥгеш вӱргечын 16 шагатат 10 минутлан да рушарнян 18 шагатат 50 минутлан толеш.
