Ноябрь тӱҥалтыште Йошкар-Олаште «Герои Отечества» музейно-патриотический рӱдерым пайремылын почыныт. Тоштерым Марий Эл Республикым Вуйлатыше Юрий Зайцевын кӱштымыж почеш ыштыме.
Тоштерын тӱҥ сомылжо – спецопераций нерген документальный свидетельствым, тӱрлӧ материалым арален кодаш, пӧръеҥ-шамычын патырлыкыштым ончыкташ. Тиде у сынан мультимедийный вер. Тушто икмыняр экспозиционный площадке верлана, тыгак книгагудо, ончер ден кинозал моторлыкышт да кызытсе кечылан келшен толшо инсталляцийышт дене ӧрыктарат.
Рӱдер Икымше тӱнямбал сарын, Кугу Отечественный сар ден специальный военный операцийын участникыштын героический подвигыштлан пӧлеклалтеш.