7 октябрьыште Йошкар-Олаште республикысе икымше электронный ужалыме рӱдер почылтын. Тыгайже Юл кундем федерал округыштат икымше. Рӱдерым Марий Эл Сбербанк ПАО-н полшымыж дене илышыш шыҥдарыме.
Интернет гоч ужалымаш пашам вияҥден колташ манын, СберМегаМаркет онлайн площадкым, InSales интернет ужалымаш платформым ямдылыме. Тыгак оксам тӱлаш йӧнанрак лийже манын, кассым ыштыме, Юkassa деч оксам онлайн тӱлаш йӧным келыштарыме, СберБизнесБот мессенджерыште да сайтыште еҥ-влакын йодышыштлан вашешташ чат-бот уло.