2023 ийыште Карелийыште национальный духовой семӱзгар дене шоктышо-влаклан «Torvi – САМР» у проект пашам ышта.
Икымше йыжыҥже – 27-31 мартыште Петрозаводскышто молодёжный этнолагерьын сменыже. Тушко 16-35 ияш этномузыкант-влакым ӱжыт. Участник-влаклан Россий гыч самырык еҥ ден педагог-влак национальный семӱзгар дене шокташ туныктышо воркшопым, мастер-классым, репетиций-импровизацийым эртарат, моло культурный программым темлат. Этнолагерьыште кӱтӱчын пучшым ямдылаш туныктат.