Изи Какшан эҥер воктене кызытсе илышлан келыштаралтше, резине дене леведме, йӧнан спортплощадкым почмо. Тушто чыла кумылан-влак тренироватлалт кертыт. Кундемыштына тыгайже икымше. Тушто минифутбол, волейбол, гандбол да стритбол дене модаш лиеш.
Ты площадке воктенысе ошман верыште, пляжный волейболым, футболым, регбим, гандболым, фризбим, бадминтоным, теннисым вияҥдаш манын, верым келыштараш шонат. Тылеч посна тушто спортсмен-влаклан тӱрлӧ таҥасымашым эртараш йӧным ыштынешт.