Волжск олаште 20 утла аварийный пӧртыштӧ илыше 66 ешлан шуко пачашан пӧртыштӧ пачерым пуэныт. Тыгак 24 тулык йочалан пачер деч сравочым кучыктеныт. Чоҥымо у пӧртыштӧ 194 еш илаш тӱҥалеш.
Пиалан еҥ-влакым Марий Элым Вуйлатыше Ю.Зайцев саламлен. «Вес идалык мучаш марте республикыштына эше 932 еҥым аварийный пӧрт гыч кусарыман, 20 тулык икшывылан пачерым пуыман», – ойлен тудо.
Волжскышто «Переселение граждан из аварийного жилищного фонда» адресный программе почеш 2017 ий 1 январьлан шуко пачашан 67 пӧртым аварийныйлан шотлымо. Тымарте кораҥдыме пӧрт-влакын кумдыкышт 10 тӱжем утла кв.метрыш шуэш. 45 тулык йочалан пачерым ойырымо.
