Т.Евсеев лӱмеш Национальный тоштерын выставочный залыште у оборудований лиеш.
Тӱвыра тӧнежлан сенсорный ӱстембалан программный обеспеченийым, цветной принтерым налме. Тыгак тоштерын виртуальный илышым проектироватлыше оборудованийже, куд у компьютерже, электрооборудований ден сенсорный панельже лийыт. Тылеч посна выставочный заллан 10 манекеным налме.
Палемдыман: тений кум тоштер музейно-выставочный оборудований дене пойдаралтын. Тидлан «Культура» нацпроект почеш 23,9 млн теҥге ойыралтын. Каласыман весымат: тений тоштер-влакын материально-технический базышт икымше гана уэмдалтеш. Тыгак 2023 ийыште Юрино посёлкышто улшо Г.П.Лосев лӱмеш историко-художественный тоштерым капитально олмыктат.