Мутшо да семже И.Делянован.
Надежда Степанова мура.
Кажне шошым ломбо пеледалте,
Ныжылге парчажым лӱҥгыктен.
Куанал, торашке вошт волгалте,
Ямле пушым южышко шарен.
Припев:
Ӱжара, шымате лай парчажым
Да вӱчкалте тудым тый лыжган.
Тек шарна ондакысе жапнажым
Илыш корно тӱрлӧ йыжыҥан.
Писын эртыше мардеж ондалыш,
Таҥжыла ӧндале шыматал…
Шижын ломбо – ситыш ик ончалтыш:
Ош пеледыш йогыш вургыжал.
Припев.
А ӱмаште чарныш пеледалтмым,
Йывыртал ок шочыкто мурлам.
Тӱс шапалгыш. Мондыш мо волгалтмым?
Тулык семын рӱзалта укшлам…
Припев.